Март е месец на чие доаѓање му се радува секој! Месец на пристигнување на најубавото годишно време, месец на жената, месец на мартинките и мимозите...
Да му посакаме добредојде на март!
Според традицијата „баба Марта“ се дочекува со мартинка на рака, во црвено-бела боја.
Во минатото, првиот ден од месец март Македонците го славеле како празник на пролетта, љубовта, цвеќињата и убавината. Во чест на први март, девојките и жените плетеле алки - мартинки.
Традиционалните мартинки кои се прават на овој ден ја симболизираат пролетта, но и доброто здравје.
На Осми март се слави меѓународниот ден на жената. Веќе се чувствува на „осмомартовската еуфорија“, а цвеќињата пристигнаа низ продавниците и донесоа шаренило и убавина!
Во март пристигнува и пролетта, омиленото годишно време на многумина! Денот ќе биде подолг, а природата веќе ќе се буди!
Март е месец на мимозите - најнежниот симбол на пролетта.
