Времето денеска ќе биде сончево и топло со мала до умерена облачност. Попладне и во вечерните часови наместа ќе биде нестабилно со пороен дожд, грмежи, засилен ветер и со услови за појава на локално невреме, соопштија од УХРМ.
Максималната температура ќе биде во интервал од 32 до 39 степени. УВ зрачењето ќе изнесува 8.
Во Скопје сончево и топло со мала до умерена облачност. Попладне и во вечерните часови во делови од котлината ќе има услови за пороен дожд, грмежи и засилен ветер. Денеска во главниот град температурата ќе биде околу 39 степени Целзиусови.
Од утре до средината на следната седмица времето ќе биде променливо облачно и нестабилно со постепен пад на дневната температура. На повеќе места процесите ќе бидат во форма на невреме со интензивен пороен дожд, грмежи, силен ветер и појава на град.
