Доаѓа вистински пекол: Температурите одат над 40 степени

Вистинско лето не чека до крајот на овој месец. Метеоролозите најавуваат високи температури, сончево време и висок ув индекс.

До крајот на оваа недела температурите ќе бидат во рамките на просекот. Низ Македонија ќе се искачуваат и над 30 степени, а во Скопје околу 32 степени. Во некој од деновите до крајот на неделата ќе има периоди со наоблачување но дожд не се очекува.

Слично ќе биде времето и во наредната недела, додека кон крајот на месецот се очекува вистински африкански бран во Македонија кој ќе услови температури над 40 степени низ Македонија и над 36 во Скопје. 

Иако не може да се потпираме на нив, сепак, долгорочните прогнози покажуваат дека најдобар период за користење на годишниот одмор ќе биде крајот на јули и почетокот на август, се разбира, доколку сте од оние кои сакаат да се „пржат“ на плажа.