Доаѓа циклонот Инес - метеоролозите најавуваат силен ветер и снежни врнежи

Денеска доцна попладне и навечер, нашата територија ќе подпадне под влијание на циклонот Инес, информира метеорологот Славчо Попоски.

Облачноста ќе зе зголемува а ќе започне да дува и засилен ветер, најпрвин од југозападен правец.

Во вечерните часови како и во текот на ноќта, од север и северозапад ќе започнат врнежи од дожд.

Поради продор на многу постуден воздух од север во текот на денешната ноќта, врнежите од дожд ќе поминуваат во снег како на повисоките планинските места, така на пониските места со што ќе дојде до формирање на нова снежна покривка.

Сето ова ќе биде проследено со засилен до СИЛЕН ветер од северен и од северозападен правец.

Врнежите претежно од снег ќе продолжат и утре на повеќе места. Во југоисточните предели ќе има услови за врнежи од дожд и од снег.

Температурите на воздухот ќе бележат тенденција на големо опаѓање и од утре ќе се искачуваат во интервалот од -3 до 6, 7 степени во најтоплите предели од државава.

Минималните температури пак понекаде ќе се спуштаат и под -10 степени во следниот период.