Во Македонија во текот на јули 2026 година се регистрирани 11 нови случаи на ХИВ/СИДА, покажуваат најновите податоци на Институтот за јавно здравје.
Од новите случаи, девет се мажи, а две се жени, при што лицата се на возраст од 20 до 49 години.
Според официјалната евиденција, заклучно со 30 јуни годинава, од 1987 година во земјата кумулативно се регистрирани 765 лица со ХИВ/СИДА. Од нив, 141 лице починало, 508 живеат со ХИВ/СИДА, додека 116 лица се водат како изгубени за следење, главно поради иселување.
Податоците се објавени во месечниот билтен на Институтот за јавно здравје и се дел од редовното следење на состојбата со ХИВ/СИДА во земјата.
