Детали за пожарот во Аеродром

Пожар избувна во подрумските простории во повеќекатница на ул. Владимир Комаров во Аеродром, јавува МИА.

На местото веќе се наоѓаат шест противвпожарни возила, а полицијата го блокира пристапот на улицата и запрен е сообраќајот.

Пожарникарите се обидуваат да го изгаснат пожарот во подрумските простории од каде што излегува чад.

Граѓаните од зградата и од соседните згради се излезени надвор.

Oд полицијата соопштуваат дека пожарот бил пријавен околу 14.10 минути и оти се уште не се знаат причините за пожарот.