Во 14.09 часот во Скопје и околината беше почувствуван земјотрес, со јачина од 3,9 степени, објави Европско-медитеранскиот сеизмолошки центар.
Епицентарот на земјотресот е на 8 километри источно од Скопје, на длабочина од 2 километри, според ЕМСЦ.
По првичниот потрес, се почувствува уште еден, послаб.
Земјотресот беше почувствуван и во Србија и на Косово.
Инаку земјотрес со јачина од 4,4 степени изутринава го погоди подрачјето Перистери, недалеку од Атина.
Земјотресот бил на длабочина од 2 км, а во моментов нема извештаи за штети и повредени.
