Министерството за внатрешни работи излезе со соопштение по повод вчерашниот трагичен настан во Кисела Вода. Имено било пријавено дека во 19:40 часот две лица паднале од зграда.
„Полициски службеници излегле на местото и било констатирано дека жената Д.С.(69) од Скопје од здобиените повреди починала на местото на настанот, додека деветгодишен малолетник од Скопје се здобил со повреди и бил пренесен во Комплексот клиники „Мајка Тереза“ за укажување на помош“, информира МВР.
Од полицијата додаваат дека се преземаат мерки за расчистување на случајот.
