Десетици пријави во рок од две години до полицијата имало за Стојанче Јовановски за семејно насилство.
Пријавите биле лично од Ивана, соседите, нејзината мајка , неговата мајка.
Во судницата се слушаа и три аудио снимки од кобниот ден. Ивана го оставила телефонот вклучен а полицискиот оператор го слушал како Стојанче и се заканува дека ќе ја уништи и оти ќе ѝ ја земе Катја. На снимката се слуша и како ја удира, а таа му вели дека не го пријавила за дрога и ако сака ќе одат во П.С Пролет.
Последниот повик што се слушаше во судницата е тој од Стојанче кога вика Брза помош - мајка со мало дете се фрлија од балкон.
На една претходните снимки го пријавува лично мајка му за обид за убиство на неговата жена, а детето се слуша како плаче и потврдува дека тато ќе ја убие мама.
Судењето продолжува со видео снимката од пред судот каде Стојанче ја тепал Ивана.
