Десерт на денот: Колаче кое крие изненадување кога ќе го пресечете

Никогаш доста од вкусни колачиња од кои мириса целата куќа и сите се радуваат кога ќе ги послужите.

Секоја вложена минута ќе се исплати уште од првото залче.

Потребни состојки:

• 200g маргарин
• 1 шолја шеќер (шолја од 250 ml)
• 3 јајца + белка
• 2 шолји брашно
• 250ml кисела павлака
• 5 лажици млеко
• 2 лажици какао
• 1 кесичка прашок за печиво

За топчињата:

• 200g крем сирење
• 4 лажици шеќер
• 1 жолчка
• 1 кесичка ванилин шеќер
• 7-8 лажици кокосово брашно

За крем:

• 350ml млеко
• 150g шеќер
• 3 лажици бело брашно
• 1 кесичка ванилин шеќер
• 100g маргарин

Подготовка:

Прво направете ги топчињата. Измешајте ги сите состојки додека не добиете тврда смеса. Ако има потреба, додадете уште кокосово брашно. Наредете ги на послужавник и замрзнете ги половина час.

Потоа мекиот маргарин измешајте го со шеќерот, додадете ги јајцата и белката, киселата павлака, прашокот за печиво, па на крај млекото. Измешајте и полека додавајте го брашното. Мешајте со миксер додека не добиете мазна смеса.

Половина од тестото ставете го во калап за печење, а во другата половина ставете какао. Измешајте додека не се соедини и темниот дел прелијте го преку светлиот.

Топчињата кои ги замрзнавте потиснете ги во тестото со еднакво растојание.

Печете на 180 степени 40-45 минути. Изладете добро.

Додека колачот се пече направете го кремот.

Измешајте ги шеќерот и брашното, додајте ја ванилата и полека додавајте го млекото со постојано мешање. Ставете на средно топла рингла и варете додека грутките не исчезнат.

Кремот оладете го и додајте 100g маргарин. Измешајте со миксер. Намачкајте го колачот и украсете со рендано чоколадо или какао.