Денот на планетата Земја одбележан во ОУ „Браќа Миладиновци“ во Аеродром

Учениците од основното училиште „Браќа Миладиновци“ денеска го одбележаа Денот на планетата Земја.

Основците се претставија во модели изработени од пластика, картон, хартија и други материјали што можат да се рециклираат и да се реупотребуваат. Моделите ги изработија сами или во соработка со наставниците и родителите.

Со овој настан тие испратија порака за зачувување на чистата животна средина и за зајакнување на почитта кон природата.