Ова е значаен христијански празник, не само кај православните, туку и кај католиците и протестантите, посветен на смртта на Марија, мајката на Исус Христос.
Христијаните веруваат дека, како и Исус, и Богородица по смртта воскреснала и заминала на небото, како со душата така и со телото. Оттаму и називот успение, што значи искачување. Овој ден се празнува на 28-ти август по стариот календар, или 15-ти август по новиот календар.
Црквата учи дека Марија, мајката на Исус, на крајот на својот земен живот била возвишена со тело и душа во небесната слава. Ова учење е прифатено од сите христијански цркви, вклучително и православната, католичката, источната и коптската. Денот на нејзиното Успение се празнува на 15 август. Во православните цркви кои го следат Јулијанскиот календар, овој ден се одбележува на 28 август, а пред празникот се пости 14 дена.
Традициите поврзани со празниците во чест на Мајката Божја се темелат на уважувањето на нејзиниот култ, кој вклучува верувања и ритуали од народната вера. Верувањата наведуваат дека во периодот помеѓу двата празника на Богородица, е важно да се извршат обредите кои ја изразуваат благодарноста кон Богородица, заштитничка на жените, за раѓањето на децата, како и за плодноста на земјата и стоката.
На празниците на Голема и Мала Богородица, традицијата налага, особено кај жените, да се почитуваат многу забрани поврзани со домашните работи и активностите околу домот. Верниците се охрабруваат да не вршат домашни задачи, што особено се однесува на жените. На празникот Успение на Пресвета Богородица, исто така, се смета за непожелно да се работи со рацете или да се започне со нова работа.
Празникот Успение на Пресвета Богородица е еден од дванаесетте најзначајни христијански празници, посветен на денот кога се верува дека таа се возвишува на небото. Богородица е сметана за покровител на сите христијани и на градот Скопје.
