Уживајте во сончевото време кое го носи вториот ден од викендов зошто од вторник ќе се случат временски промени.
Денеска во земјава времето ќе биде сончево и потопло. Се очекува да дува слаб до умерен ветер претежно од североисточен правец. Утринските температури на места ќе се спуштат под и околу нулата, а дневните ќе бидат во пораст. Минималната температура ќе се движи од минус пет до три степени, а дневната од 14 до 24 степени.
Од вторник ќе преовладува променливо облачно време со повремени локални врнежи од дожд, а дневната температура ќе има тенденција на опаѓање.
