Од ЕВН Македонија информираат дека утре ќе има планирани прекини во снабдувањето со електрична енергија во неколку општини во Скопје.
Во општина Карпош, во периодот од 08:30 до 15:00 часот, без струја ќе останат потрошувачите од улиците 1506 и 1550 во Момин Поток, како и објектите на „Електроводомонт“ и „Европа 92“.
Во општина Сарај, од 09:30 до 14:00 часот, прекин ќе има за дел од селото Кондово, како и за корисниците во селата Рашче, Копаница и Бојане, вклучително и Каптажа Рашче.
Во општина Центар, од 11:00 до 13:00 часот, без електрична енергија ќе бидат дел од улицата „Рилски Конгрес“, од број 2 до број 8, како и дел од улицата „Георги Скрижеевски“, на потегот од раскрсницата со улицата „Христо Чернопеев“ до раскрсницата со улицата „Рилски Конгрес“.
