Дали Македонија е спремна да се справи во коронавирусот?

Многу е тешко сега да се претпостави кога епидемијата со коронавирсуот ќе го достигне пикот, има се повеќе и повеќе нови случаи, пред сé во Кина. Можам да кажам дека ние сме целосно подготвени да се соочиме со овој предизвик, вели Венко Филипче, министер за здравство. Тој во канцеларијата на Светската здравствена организација (СЗО), одржа координативен состанок со шефицата на канцеларијата на СЗО во Скопје Џихан Тавила и претставници на агенциите на Обединетите Нации: УНДП, УНФПА и УНИЦЕФ кои имаат директна поврзаност со системот на здравство.

Соработката со СЗО продолжува и понатаму. Имаме организиран систем со кој авио-компаниите ни укажат на тоа доколку некоја група патници доаѓа од Кина. Кај нас, ниту пак во регионот нема сомнителни ниту позитивни на корона вирус. Целиот систем е спремен, како превентивниот систем така и системот на препознавање и системот на транспорт. Спремни се одделенијата во инфективните болници, имаме во овој момент сосема доволно опрема, во фаза сме на набавка и на дополнителна медицинска опрема, како и заштитна во случај да тоа се изнуди како потреба и се појави еден или повеќе заразени пациенти, истакнува Филипче.

Во врска со корона вирусот Филипче изјави дека целиот систем е подигнат на високо ниво на будност и дека се следи секоја информација којашто доаѓа, како од релевантните странски институции, така и од соседните земји.

Би сакала повторно да ги уверам сите дека одблизу ја следиме ситуацијата, капацитетите на земјата се подготвени во случај на можно појавување на корона вирусот. Системот за рано предупредување и рана интервенција е прилично добар. Ние велиме дека Македонија има еден од најдобрите системи за рано предупредување во однос на болести и епидемии во целиот регион, изјави Тавила.

Засега, Министерството за здравство има информација за двајца наши државјани коишто се позитивни на корона вирус, еден член на екипажот на јапонскиот крузер хоспитализиран во јапонска болница, но со лесна клиничка слика и уште една наша државјанка којашто е во изолација во болница во Франција. За нивното враќање дома Министерството за здравство ќе биде навремено известено од тамошните власти, по што ќе бидат преземеме сите потребни мерки.