Центарот за управување со кризи извести дека во текот на изминатото деноноќие на ниво на цела држава имало четири пожари од кои сите се изгаснати.Интервенирале пожарникарите од Скопје, Битола, Струмица и од Тетово, гаснејќи депонии, ѓубришта, мешана шума и ниска вегетација.
На бројот за итни случаи 112 во ЦУК изминатото деноноќие имало 1 752 повици, од нив „реални“ повици биле 61,76 отсто, а 38,24 отсто биле за други потреби на граѓаните што не биле итни.
Кон полиција биле упатени 64,74 отсто, кон итната медицинска помош 23,99 отсто, кон пожарникарите 1,73 отсто, а кон АМСМ 0,29 отсто од реалните повици кон 112 во ЦУК.
Од ЈПКР „Услуга“- Берово информирале дека водата од водоснабдителниот систем во Општина Берово од 12 ноември 2024 година се уште е забранета за пиење и готвење, заради зголемено присуство на манган.
Од ЦУК информираат дека жичницата на Водно во последното деноноќие не работела поради врнежи од дожд и силен ветер. Јачината на ветерот ги надминала дозволените граници за функционирање непречено и безбедно. Кога ќе се создадат соодветни временски услови за работа, ќе продолжела со непречено превезување на патниците.
