Дали сте ноќна птица или пак се водите по мотото „кој рано рани, две среќи граби“? Некои од нас баш го сакаат мирот кој го носи зората. Дури и кога врне дожд и кога денот е тмурен зимски, за некои е вистинско опуштање да го испијат утринското кафе гледајќи низ прозорецот како се раѓа новиот ден.
Од друга страна, секој од нас познава барем една личност на која станувањето од кревет и е еднакво на казна. Тие ноќни птици пред да си легнат пуштиле една епизода од омилената серија, на крајот ја изгледале цела сезона, а утрото сигурно ги преспале сите обврски кои ги имале за тој ден.
Што мислите, според астрологијата, кои се овие луѓе?
Овен
Наутро имате полно обврски и свесни сте дека ви е потребен цврст и квалитетен сон. Одлучивте дека вечерта конечно ќе се наспиете, па дури легнавте два часа порано. Го земавте мобилниот телефон за да наместите аларм и тие два часа „оддремавте“ на друштвените мрежи. На крај легнавте подоцна од вообичаено, а кога ви ѕвонеше алармот почнавте да смислаувате причини поради кои не можете да одите на работа. Познато?
Веруваме дека многу овни се пронајдоа во оваа ситуација. Ако некој го мрази утрото, тоа е сигурно овој хороскопски знак.
Риби
Рибите се втори најголеми буфови во зодијакот. Ако ги прашате нив, ноќта е најволшебна за полнење батерии. Кога излегуваат рибите ги затвораат клубовите, а кога се дома веројатно ги гледаат омилените серии, прават посебна маска за лице или размислуваат за некои нови животни планови и цели.
Додека другите спијат, рибите најдобро функционираат. Баш затоа утрото им е најомразан дел од денот. Рибите на училиште имаат најмногу изостаноци, а најмногу боледувања како возрасни личности.
Водолија
Добродушните водолии исто така многу ја сакаат ноќта. Додека другите ноќни птици ќе ги полнат батериите гледајќи серии и филмови, водолиите ќе останат будни затоа што не можат да ги смират мислите во главата. Дури и кога немаат некој проблем, тие лесно ќе го смислат само за да можат цела ноќ да анализираат.
Размислувајќи саатите си летаат, па брзо доаѓа утрото, а водолиите ќе зажалат затоа што не ја искористиле ноќта добро да се наспијат. Затоа скоро секое утро имаат големи подочници и не сакаат денот воопшто да започне.
Стрелец
Стрелците се баш безгрижни. Затоа се еден од омилените знаци. Кај нив нема негативна енергија, опуштени се, многу брзо се прилагодуваат на секоја ситуација, а и многу лесно се прилагодуваат и на ноќните активности.
Стрелците сакаат да учат од сите ситуации во животот. Ноќта обично ја поминуваат гледајќи подкасти, читајќи книги и развивајќи го својот интелект. Кога ќе дојде утрото, тие не се подготвени за новиот ден затоа што ноќта го умориле мозокот со еден куп нови информации..
