Целосно се реконструира паркот „Бановина“ во Горно Лисиче, каде што деновиве интензивно се работи на обновување на инфраструктурата, оштетените делови на големата фонтана, детското игралиште, клупите, урбаната опрема, а се заменуваат и поправаат оградите на летниковците, информираат од општина Аеродром.
-Станува збор за убаво уреден простор во овој дел на Аеродром, кој е многу посетуван од жителите и ќе добие нов сјај во пресрет на летото. Општина Аеродром во наредниот период ќе продолжи да ги уредува сите паркови, со што аеродромци ќе имаат пријатни услови за одмор и рекреација во топлите денови, посочија од локалната самоуправа на општината.