Пожар од големи размери денеска ја зафати индустриската зона кај Визбегово, при што целосно изгоре фабрика за сладолед, објави порталот 4news.mk.
Од магацинот на фабриката се слушаа и експлозии.
Покрај фабриката, во пожарот изгоре и едно комбе кое се наоѓало во близина. На терен се повеќе противпожарни екипи, а локалните власти апелираат за внимателност и повикуваат на дополнителна поддршка.
Огнот брзо се прошири поради силниот ветер, а пожарникарите сега се борат да го спречат да стигне до спортскиот аеродром Стенковец, кој е под сериозна закана бидејќи од сите страни има пожар.
