Брз ручек за цело семејство: Кременадли со кашкавал

Предлог да пробате малку поразлична верзија на кременадли за која нема да се покаете.

Потребни состојки:

  • 4 свински кременадли
  • 150 гр варена шунка
  • 200 гр кашкавал
  • сол
  • бибер
  • брашно
  • масло

Подготовка:

Измијте ги кремендалите и исушете ги преку впивање на водата со хартиени крпи. Добро посолете ги од двете страни и додајте бибер. Потоа посипете ги од сите страни со брашно. Пржете ги во тава, во врело масло, секоја страна по 3-4 минути. На секоја кременадла ставете по едно парче тенко исечена шунка и врз неа посипете со рендан кашкавал. Ставете ги во сад за печење и печете во рерна, претходно загреана на 250 степени. Печете околу 10-15 минути, додека шунката не се загрее и кашкавалот не се растопи. Послужете додека е топло, по желба со зеленчук на скара и печен компир.

Authentic Sneakers | Nike Air Force 1 Low UV Reactive Swoosh - DA8301-101