Ова е највкусниот домашен џем од сливи.
Потребни состојки:
3 кг. сливи
2 стапчиња цимет
300 мл. агаве сируп (по желба)
Начин на подготовка:
Измијте ги сливите, преполовете ги и отстранете им ги семките. Ставете ги во голем сад за печење, додајте го циметот и агавето и ставете ги во рерна загреана на 250 степени. Печете ги околу 2 часа. Повремено промешувајте ги, кога ќе почнат да се згуснуваат.
Џемот е готов кога ќе ја постигнете посакуваната густина. Тогаш извадете ги стапчињата цимет, а џемот ставете го во добро стерилизирани тегли и оставете да се олади.
Агаве сирупот можете да го додадете само доколку сакате поблаг џем, но тој не е неопходен.