Општина Центар овозможува бесплатни стоматолошки услуги за децата од прво до девето одделение од социјално ранливите категории од сите основни училишта во општината, во висина од 50 000 денари.
- Благодарение на соработката со Стоматолошкиот факултет и децата од градинките и раните одделенија од основните училишта преку предавања и практични вежби ќе се запознаат со правилното миење на забите, одржувањето на оралното здравје и неговата важност - напиша градоначалникот Герасимовски.
Оралното здравје е многу повеќе од убава насмевка - ова е пораката на средбата помеѓу претставници на општината и од Стоматолошкиот факултет, меѓу кои и д-р Елизабета Ѓоргиевска.