Бесплатна проекција на „Summer of soul“ во кино Фросина

Музичкиот документарен филм „Summer of Soul Or, When the Revolution Could Not Be Televised“, ќе има бесплатна проекција во кино Фросина во Младинскиот културен центар. 

Од МКЦ информираат дека сите оние кои го пропуштиле премиерното прикажување на филмот, во рамките на Скопскиот џез фестивал, ќе може да го погледнат по отворањето на изложбата „Because of Jazz: фотографии на Оливер Белопета“. 

Проекцијата ќе се реализира на 10- декември, во сабота, со почеток во 21 часот. 

Инаку, филмот „Summer of Soul“ во режија на Ахмир Томпсон е добитник на наградата Оскар за најдобар документарец и Греми за најдобар музички документарен филм.