Витамините Б комплекс играат многу важна улога во создавањето енергија, како и забрзување на реакциите на нашето тело во однос на метаболизмот на мастите, протеините и јагленохидратите. Без нив, многу од процесите во нашето тело не би можеле да се одвиваат и не би можеле да функционираме.
Вкупно постојат 8 витамини и секој од нив има многу важна улога.
Витамин Б1
Помага во регулирање на апетитот и ја зголемува енергијата. Може да се најде во семките од сончоглед, грав, грашок и леќа.
Витамин Б2
Ја подобрува здравата визија и здравјето на очите, ја подобрува кожата и помага во создавањето на црвени крвни зрнца. Тој игра важна улога и во креирањето енергија и во апсорпцијата на фолна киселина и Б6.
Се наоѓа во спанаќот, печурките, бадеми, аспарагус и тн.
Витамин Б3
Ова е витамин кој може да се најде во чиата, кафениот ориз, бадемите, кикириките, семките од сончоглед, компирите, доматите и печурките.
Тој се наоѓа во секоја клетка од нашето тело и е неопходен за здрава кожа и силни мускули. Тој помага во дигестијата на масти, протеини и јагленохидрати. Дефицитот од овој витамин причинува лоша кожа и проблеми во спиењето.
Витамин Б5
Овој витамин помага во подобрување на метаболизмот, регулација на нервниот систем и здрава кожа. Недостатокот од овој витамин предизвикува проблеми со кожата, а особено акни. Тој може да се најде во шитаки печурките, авокадото, семки од сончоглед, сладок компир, брокула и леќа.
Витамин Б6
Помага во лачењето серотонин и допамин. Во таа насока, придонесува за подобрување на расположението,а недостатокот од него предизвикува депресија, проблеми со кожата, висок крвен притисок и анемија. Се наоѓа во компирите, семките од сончоглед, бананите, спанаќот, оревите, фстаците и тн.
Витамин Б7
Помага во балансирање на шеќерот во крвта и го чува здравјето на кожата. Тој исто така игра важна улога и во метаболизмот на шеќерите и мастите и е клучен за градење здрави масти на кожата. Недостатокот од овој витамин предизвикува пад на косата, сува коса, анемија и тн. се наоѓа во доматите, марулата, морковите, бадемите, карфиолот, јагодите, малините, зелката, краставицата и тн.
Витамин Б12
Поттикнува емоционална стабилност и помага во намалување на килограмите. Дури 40 % од вкупната популација се соочува со недостаток на овој витамин. Се наоѓа во печурки, спирулина, жолчка, а добро е да се зема и како додаток.
Витамин Б9
Овој витамин е познат и како фолна киселина и е особено важен да се зема во текот на бременоста кај жените. Фолната киселина придонесува и за подобрување на здравјето на срцето и е важна за превенција на анемија.