Станови, автомобили, товарни возила, монитори, лап-топи, различни машини и какви уште не движни и недвижни предмети нуди на продажба Управата за јавни приходи во најновиот оглас за аукциска продажба закажана за 28 февруари, годинава.
На продажба се нудат опели, мерцедеси, даеву и други видови автомобили кои во зависност од годината на производство и амортизацијата се продаваат по почетни цени од 50.000-60.000 денари па нагоре.
Комјутерски монитори се нудат по почетна цена од 1.600 денари, а телевизори по почетна цена од 3.600 денари.
За подетални информации во врска со учеството на електронските јавни аукции/слободни комерцијални продажби на движни и недвижни ствари посетете го веб порталот http://e-aukcii.ujp.gov.mk.
Преку веб порталот можете да ги видите активните аукции, да вршите on-line разгледување и преглед на достапните аукциски производи (движни и недвижни ствари), да се пријавите и учествувате во процесот на надавање и лицитација за стварите кои се предмет на јавна аукција/продажба.
За да учествувате на е-аукциите на УЈП, единствено што треба да направите е да се регистрирате како корисник на http://e-aukcii.ujp.gov.mk
Детална листа на предметите за продажба ТУКА.
