Авокадо паста

Доколку сте во потрага по лесен ручек или вечера, ова е нашиот омилен рецепт за  совршено кремаста паста. 

Времето на подготовка е кратко, а задоволството е вечно. Потребни ви се само неколку намирници и ќе имате можност да го вкусите најубавиот сос за тестенини.

Сѐ што ви треба за да го приготвите ова јадење:

  • Едно големо авокадо

  • Половина лимон

  • Половина или една шоља зовриена вода(во зависност од тоа колку течен, односно густ сакате да биде сосот)

  • Едно чешне лук или лук во прав количински по желба

  • Една мала лажичка сол

  • Малку маслиново масло

  • Спанаќ по избор

Горе наведените состојќи се ставаат во блендер и се блендираат заедно. Густата смеса се додава на 300 грама тестенини по избор, додека се топли. Се мешаат тестенините заедно со сосот за да се соединат. 

Потоа се додава сусам, дробен магдонос и оригано по желба. Повторно се меша и на крај може да се сервира со чери доматчиња, црвени сушени пиперки или без ништо.

Крајниот резултат е совршено кремаста паста која ќе стане вашиот „go to“ рецепт, бидејќи е лесен, вкусен и брз.