Aqua Park Пробиштип со полн интензитет ги реализира завршните подготовки пред официјалниот старт на новата летна сезона, при што во тек е имплементација на највисоки стандарди за техничка исправност, оперативна безбедност и функционална подготвеност на целиот комплекс.
Во рамки на подготвителниот процес, стручни тимови од повеќе области спроведуваат детални технички инспекции, тестирања и контролни процедури на сите водени атракции, базени, пумпни системи, филтрациски постројки, електро-инсталации и безбедносни механизми. Посебен акцент е ставен на проверката на стабилноста, отпорноста и сигурноста на сите реквизити и забавни содржини, согласно современите стандарди за јавна безбедност и оперативна експлоатација.
Покрај техничките тестирања, се реализираат и симулациски безбедносни процедури, контроли на квалитетот на водата, проверки на системите за дезинфекција, како и координациски активности со спасувачките и медицинските тимови кои ќе бидат задолжени за безбедноста на посетителите во текот на сезоната.
Aqua Park Пробиштип паралелно работи и на целосно уредување на просторот, хортикултурно освежување, сервисирање на урбаната опрема, подобрување на хигиенските стандарди и финални естетски интервенции со цел посетителите да добијат максимално безбедно, квалитетно и современо летно искуство.
Од менаџментот информираат дека подготовките се реализираат според строго дефинирана динамика и оперативен протокол, а конечната цел е отворање на сезоната со целосно функционален, технички проверен и безбедносно сертифициран комплекс кој ќе понуди врвна рекреативна и забавна содржина за сите генерации.
„Безбедноста, квалитетот и довербата на посетителите се наш врвен приоритет. Затоа секој сегмент од работењето минува низ повеќекратни проверки, тестирања и контроли пред официјалното отворање,“ информираат од Aqua Park Пробиштип.
