Овие знаци ви даваат зелено светло за да си заминете, дури и ако не сте 100 посто сигурни дека ја правите вистинската работа. Ова е кратко четиво, но брутално искрено. Ако се препознаете во овие четири точки, престанете да се залажувате дека ќе биде подобро.
Партнерот е насилен
Дури и ако не ве повредил физички, насилен партнер е насилен партнер. Честото дерење, правење драматични сцени, дури и во јавност, фрлање и кршење работи и слично – тоа дефинитивно не е личност со која треба да бидете до крајот на животот.
Партнерот е неверен
Некои ќе кажат дека има парови кои успеале да надминат и вакви кризи. Да, постојат такви парови. Но, чинот на изневерување укажува на непочитување и губење на довербата, без кои една здрава врска не може да преживее.
Партнерот има сериозни пороци
Некои ќе кажат: „Па и пушењето е порок“. Да, но има разлика од пушење цигари до сериозно коцкање и алкохолизам или дрога.
Партнерот е манипулатор
Доколку партнерот постојано се труди да ве промени, тој всушност манипулира со вас и вашите чувства. Не би требало да се менувате за никого, освен за себеси. Секогаш бидете она што сте.