Ако се заљубувате, осигурајте се дека се заљубувате со намера.
Најлошото нешто што можете да го направите некому е да љубите без намера и цел. Навистина е грев да пробудите нечија љубов без намера да останете и да ја подарите својата љубов. Затоа, сакајте ги. Сакајте ги и навистина чувствувајте го тоа. Покажете ги вашите чувства. Покажете им дека ви значат. Не си играјте со нивните чувства. Бидете искрени!
Ако се заљубувате, подарете ја целата ваша љубов. Не давајте делчиња на луѓе кои заслужуваат да добијат сѐ. Ако не можете да го направите тоа, воопшто не се заљубувајте. Таквите половични љубови и врски само можат да скршат нечие срце и да си поиграат со чувствата на луѓето. Тие ги исцрпуваат луѓето и ги кршат.
Ако се заљубувате, отфрлете ги сите ваши стравови. Сакајте како никогаш да не сте биле повредени. Како болката никогаш да не била дел од вашиот живот. Како солзи никогаш да не течеле по вашето лице. Сакајте како никогаш да не сте биле предадени или повредени од некој за кого никогаш не сте помислиле дека може да ве повреди. Сакајте и оставете го минатото зад себе.
Уживајте со личноста со која сте. Прегрнувајте силно, бакнувајте страствено. Почувствувајте го нивниот допир. Слушајте. Дишете. Живејте во моментот. Тргнете ги настрана сите лоши мисли. Заборавете на она што било и не се плашете од ништо. Минатото не можеме да го промениме, а иднината не можеме да ја предвидиме.
Ако се заљубувате, сакајте како тие да се единствените личности на овој свет. Не се сомневајте во себеси, не дозволувајте сомнежи да ви ја уништат среќата. Не ги понижувајте со тоа што ќе флертувате со други. Не лажете. Не изневерувајте. Не правете грешки кои не можете да ги поправите.
Ако се заљубувате, сакајте дури и кога времињата се тешки. Љубовта не се само пеперутките, виножитата и среќните времиња. Ќе има подеми и падови и пречки. Но, важно е да се движите. Љубовта опстанува само со труд и повеќе љубов.
Па затоа, ако веќе се заљубувате, заљубете се како што треба!
