Градскиот парк во Скопје и вчера беше полн со коли. Испаркирани автомобили имаше низ пешачките патеки и зеленилото во паркот.
За разлика од минатиот викенд кога полицијата и пајак службата на Град Скопје ги немаше, вчера тие беа на терен. Како што соопштија од Градот, до 15 часот подигнати се 8 непрописно паркирани возила.
Екипите на ЈП ‘Градски паркинг‘ во наредниот ќе продолжат со редовните контроли на терен, а граѓаните кои ќе забележат непрописно паркирани возила, истите може да ги пријават на телефонскиот број: 071 230-655“, велат од Град Скопје.
Казната за непрописно паркирање на пешачки патеки е 2.500 денари, додека за во зеленило 3.500 денари.