Претседателот на ДУИ, Али Ахмети, во гостување на РТВ21 во Приштина изјави дека лично побарал Артан Груби да се врати во Македонија и да се соочи со институциите доколку ја злоупотребил неговата доверба.
Ахмети вели дека Груби го уверувал дека работел чесно, а тоа, според него, било единственото уверување што го добил од поранешниот висок функционер. „Тој се заколна дека ќе работи чесно. И единствениот збор што ми го кажа беше: ‘Работев чесно’“, изјави Ахмети.
Сепак, лидерот на ДУИ порача дека доколку е утврдено дека Груби ја злоупотребил неговата доверба, мора да одговара.
„Му реков директно: ако си ја злоупотребил мојата доверба, одговарај за тоа“, рече Ахмети.
Тој додаде дека јавно побарал Груби да биде пуштен да излезе и да се соочи со постапката пред надлежните институции. Ахмети истакна дека очекува правда која ќе биде вистинска и неселективна, без разлика за кого станува збор.
Воедно, Ахмети изрази надеж дека Груби ќе биде ослободен од домашен притвор и дека постапката ќе продолжи во институциите, каде што, како што нагласи, треба да се утврди одговорноста доколку постои.
