Аеродром го менува својот лик, се работи на локалните предизвици

Инвестициите во инфраструктурата сериозно ја менуваат сликата на Аеродром и го олеснуваат урбаното живеење во општината. Ги препознаваме потребите на граѓаните, а инвестициите во капитални и инфраструктурни проекти се одговор на најважните локални предизвици со кои се соочуваа тие, велат надлежните од најголемата и најурбаната општина во Скопје.

 Во рамките на градежната офанзива во текот на овој месец финализираше изградбата на нов паркинг простор со капацитет од 60 паркинг места наменет за граѓаните во Мичурин и Стар Аеродром, а во следниот период ќе започне реализацијата на ваков проект на уште две локации во Аеродром.

- Остануваме отворени за вашите потреби и барања. Следува период на интензивни инвестиции кои ќе бидат чекор кон поубава општина со нови училишта и градинки, современа инфраструктура, нови паркови и зеленило и нов плоштад во Аеродром, велат од локалната самоуправа.