7 причини зошто е добро да бидеш слободна жена

Да се биде слободна жена не е секогаш едноставно и забавно. Но, не мора да биде досадно и депресивно. Постојат многу предности кога не сте во врска. Сега, кога сте слободна жена, можете да научите многу повеќе за себе, за своите желби, потреби и животни цели. Прочитајте ги овие седум причини за тоа зошто е добро да се биде слободна жена.

Уживајте во тишината

Размислете! Повеќе нема кавги и убедувања. Не морате да правите компромиси и можете да правите што сакате. Слободни сте и уживајте во својата слобода. Најголема грешка би направиле кога „со сила“ би барале нов партнер. Опуштете се и уживајте во новонастанатата ситуација за да можете целосно да си се посветите на себеси.

Поминувајте повеќе време со пријателите

Кога сте во врска, многу малку време поминувате со пријателите. Причината е за тоа што често немате време за нив. Меѓутоа, сега сте слободно и го имате целото време на овој свет и можете да им го посветите на нив. Поврзете се со старите пријатели или пронајдете нови. Во секој случај, надополнете го она коешто сте го пропуштиле додека сте биле во врска и најважно од сѐ – забавувајте се.

Фокусирајте се на семејството

Сега би можеле да обрнете повеќе внимание и на семејството. Да, најблиските понекогаш нѐ излудуваат, но во суштина тие се единствените кои безусловно нѐ сакаат, без оглед на сѐ. Тие секогаш се покрај вас – и во добро и во лошо. Гледајте заедно некој филм, отидете на кафе или седнете некаде на ручек. Треба да им дадете до знаење дека ја цените нивната безгранична љубов и дека и вие ги сакате најмногу на светот.

Ослободете се од минатото

Не размислувајте за грешките кои одамна се направени и работите на кои не сте можеле да влијаете. Сега не може ништо да се промени и најдобро е да си остане во минатото, каде што и припаѓа. Уживајте во тоа што сте слободна жена и радувајте му се на секој нов ден.

Повторно научете да се сакате себеси

Сега е моментот повторно да почнете да мислите на себе. Не се замарајте со она што поминало. Сте биле во врска, таа завршила и вие повторно ќе пронајдете љубов, кога ќе дојде време за тоа. Сега свртете се кон себеси, своите потреби и желби! Дознајте што ве радува, а што ве прави тажни. И секако, одлучете што точно сакате од следниот партнер и не се согласувајте со ништо помалку од тоа.

Искористете ја секоја можност за напредок

Престанете да плачете за бившиот и почнете да уживате во животот. Фокусирајте се на многубројните можности кои ќе ви се појават на патот. Постојат многу прекрасни работи на кои треба да се радувате. Можеби дошло време да работите понапорно и попосветено за да го добиете унапредувањето кое толку долго го чекате. Бидете свесни дека немате време за плачење. Размислувајте позитивно, поставете си цели и целата енергија насочете ја кон нивното исполнување.

Патувајте

Конечно се ослободивте од стресот предизвикан од планирањето на заедничкиот одмор. Вие никогаш не можевте да се сложите околу тоа каде да одите и секогаш се каравте околу тоа. Но, сега сте слободни и патувањето може да биде забавно и да ве опушти. Сега ништо не ве спречува да се спакувате и да летнете на некоја посакувана дестинација.

Слободата е најголемиот двигател на човекот и треба да се искористи сѐ додека ја имате во целост, затоа што наскоро повторно ќе се појави некој кој ќе ви го преврти светот наопаку.

 

nike air max 1 discount