Дали на самиот почеток на една врска можете да почувствувате дека некој ви е суден, дека тоа е вистинската личност за вас?
Постојат средби кои се како од сон: кога ќе почувствуваме нечие присуство, кога и веруваме на таа личност, кога чувствуваме безусловна љубов и имаме чувство дека сме нашле сродна душа и дека сме на вистинско место во вистинско време.
Постојат посебни сигнали кои покажуваат дека сте си судени еден на друг – ова се 6 најдоминантни:
За иднината кажувате исти работи
На пример, сонувате за удобна куќа надвор од градот, мал двор и големо куче, а и партнерот сака исто. Изненадувачки, размислувате во ист правец и на ист начин ја гледате иднината, дури и во почетната фаза на забавување. Ова е многу важен сигнал дека оваа личност е вистинскиот партнер, а тоа е од голема важност за вашата врска.
Се разбирате
Наместо кавги и расправии, бирате разбирање. Кај овие партнери работите се решаваат со разговор. И во овие врски постојат недоразбирања, но тие се свесни дека можат да ги надминат. Останувате разумни и мудри, не се обидувате да се промените и сте подготвени меѓусебно да си укажете на грешките и заедно да ги поправите.
Не се обидувате да бидете подобри од што сте
Ако партнерот навистина е вашата сродна душа, нема потреба да ставате маска и да се правите подобри од она што сте. Не играјте улоги - не преземајте лажни улоги и не се трудете да изгледате подобро. Бидете искрени и природни и што е најважно – не се плашете да ги пожете своите недостатоци и своите негативни страни. Бидете сигурни дека партнерот без проблем ќе ги прифати.
Заедно сте подобри
Дозволете партнерот да ве инспирира и вие инспирирајте го него. Што може да е похармонично во врската од ова? Кога партнерите еден на друг се мотиватори, тоа е голем показател дека сте нашле сродна душа. Мотивирајте се да станете подобри, тежете кон нешто, досигнете нови висини и променете се. Трудете се заедно да станете подобри и да го подигнете вашиот однос на повисоко ниво.
Покрај него се однесувате слободно и отворено
Гласно пеете, уживате во негово друштво и се однесувате како мало дете – сето ова жената го може само во присуство на маж кој навистина е нејзината втора половина. Не се плашете да бидете природна, ниту дека ќе изгледате смешно, бидете потполно свои – автентични. И баш таква каква што сте му се допаѓате на својот партнер.
Покрај него заборавате на грижите
Ова е врска во која имате потполна состојба на мир, потполна смиреност и уверување дека сѐ ќе биде во ред. Врска во која заборавате на проблемите и чувствувате хармонија. Тоа е затоа што покрај вас е личност која е во состојба да преземе одговорност, да пружи помош кога тоа е потребно, да ве поддржува, да ве сака, да ве држи за рака во секој сегмент од животот.
Вистинската љубов е тука за да ви го направи животот поубав и полесен.
