Постојат луѓе чиј ментален склоп ги заплашува другите луѓе. Голем дел од нас не знаат колку се силни се додека не бидеме ставени во ситуација во која немаме друг избор освен да бидеме силни.
Силниот или „застрашувачки“ тип на карактер, може да значи повеќе нешта за различни луѓе. Но, сепак постојат неколку карактеристики кои изгледаат дека се заеднички за сите видови силни луѓе.
Во продолжение прочитајте ги неколкуте начини преку кои можете да дознаете дали имате силен и застрашувачки карактер.
Не можете да поднесете површни разговори
Интелигентните разговори не се случуваат секогаш, но луѓето со силен карактер ги претпочитаат интелигентните разговори пред површните и безначајни разговори кои повеќето луѓе ги прават. Тие сакаат луѓе кои се интелектуално љубопитни и кои сакаат да разговараат на интересни и подлабоки теми.
Застрашувачкиот дел е што овие луѓе не се плашат да ви го кажат тоа – тие едноставно немаат време за ништо друго освен за работи со длабочина.
Не можете да поднесете игнорантни однесувања и ставови
Иако ова донекаде е генерализација, повеќето луѓе со силна волја се добро образовани, без разлика дали станува збор за диплома од факултет или истражување и учење на своја рака.
Тие вложиле време и труд за да научат и разберат што е можно повеќе од светот, а тоа е нешто што бара отворен ум. Па така, кога луѓето во нивна околина се свесно игорантни, површни или осудувачки настроени, силните луѓе нема да ги толерираат.
Создавате можности таму каде што ги нема
„Изгледа дека колку понапорно работам, толку повеќе среќа имам.“
Оваа мисла точно ја опишува способноста на силните луѓе да создадат можност за себе без ничија помош. Нивната посветена работна етика создава можности и нивната храброст ги мотивира да ги искористат тие можности. И тие нема да чувствуваат грижа на совест поради луѓето кои се навредени од нивната способност да успеат.
Не барате да бидете центар на внимание
Иако самиот карактер на силните луѓе привлекува внимание (понекогаш позитивно, понекогаш негативно), тие не се грижат, ниту пак посакуваат внимание.
Најмалку од се ќе се трудат да добијат внимание. Тие се фокусираат на својата работа и се осигуруваат дека ќе ја завршат работата и дека тоа ќе биде направено како што треба.
Не ве интересираат изговори
Силните луѓе имаат силна работна етика и знаат дека понекогаш работите не излегуваат според план. Но, дали тие наоѓаат изговори?
Не. Тие ги анализираат пречките пред нив, наоѓаат начин да ги надминат и продолжуваат понатаму.
И тоа е причината поради која немаат ни секунда време за луѓето кои постојано се жалат и кукаат без легитимна причина за тоа.
