Исто како што постојат зборови со кои можете да ја уништите вашата врска или брак, зборови за кои веќе пишувавме пред одредено време, така постојат и зборови кои можат да ја зацврстат вашата врска и да создадат уште поголема блискост со вашиот партнер.
Во продолжение прочитајте кои се тие зборови и обидете се да ги повторувате секојдневно, без оглед на тоа што вашиот партнер можеби ги слушнал 100 пати.
Те молам
По одредено време, партнерите почнуваат да забораваат да се ценат еден со друг и така ги забораваат најважните зборови со кои докажуваат почитување и пристојност. Затоа, трудете се да ја користите оваа фраза што е можно почесто.
Благодарам
Ова ретко го изговараме без оглед на тоа за кого се работи, но со овој збор ќе му покажете на партнерот дека го цените и дека го цените тоа што тој го прави за тебе.
Извини
Кога партнерите се долго време заедно, забораваат да си кажат „извини“ кога ќе згрешат. Најчесто се случува се инаетат еден на друг и ретко кога го употребуваат овој збор. Сега имате причини почесто да го користите.
Те сакам
Иако ова се подразбира кога со некого сте долго време во врска, вашата врска ќе биде посилна кога почесто ќе ги изговарате овие две магични зборчиња и тоа многу ќе му значи на вашиот партнер.
Како?
Ако со ова прашално зборче започнете разговор со вашиот партнер и се обидете да дознаете за што и на кој начин размислува, тогаш разговорот ќе тече подобро. Добрата комуникација е пресудна за секоја стабилна врска.
