Луѓето генерално имаат обичај да наоѓаат изговори за тоа зошто врската нема да им успее. Секој има свои причини, работи кои не се прифатливи според нивното мислење. Има многу фактори за тоа зошто и како една врска ќе успее или не.
Но, кога ќе ја сретнете вистинската личност, поголемиот дел од тие изговори и причини едноставно изгледаат неважни. Компатибилноста е процес, а не листа на причини. Секако дека не треба да се задоволувате со помалку од тоа што го заслужувате. Но, понекогаш во процесот на запознавање, сфаќате дека некои работи и не ви биле толку важни колку што сте мислеле.
Кога ќе ја запознаете вистинската личност, воопшто не е важно што друго ви се случува во животот
Да, вашиот живот е хаотичен. Премногу работите или сте ја изгубиле работата. Можеби мислите дека не сте за врска. Мислите дека имате попаметни работи во животот отколку да се посветувате во врска. Но, кога вистинската личност ќе се појави, ќе најдете време и одеднаш ништо не е толку хаотично.
Бившите? Кои бивши?
Мислевте дека никогаш нема да ја преболите личноста која ви го распарчи срцето. Вашите пријатели со месеци ви зборуваа дека е време да продолжите понатаму. Но, кога ќе ја запознаете вистинската личност, одеднаш избледуваат сите минати искуства, луѓе и поранешни партнери. Едноставно не се повеќе важни.
Годините се само бројка
Вашата мајка нема да биде среќна ако завршите со некој што е 10 години постар од вас. Или пак ако сте машко, ако најдете девојка која е постара од вас, бидејќи се уште некои луѓе со предрасуди гледаат на врските меѓу девојка и помлад маж. Но, вам се што ви е важно е тоа дека сте среќни заедно. Вистинската личност постојано ве поттикнува да размислувате за тоа што сте го знаеле за себеси и за другите. Сите ќе прават шеги за разликата во години, но вие нема да се грижите затоа што вам не ви е важно.
Приказната за тоа каде сте се сретнале
Секогаш кога човек ќе започне нова врска, сите го прашуваат за тоа каде се запознале со новата личност. А вие можеби сте се сретнале на најнеромантичното место на светот. Но, повеќе не ви е важно да ја имате најромантичната приказна за запознавање, затоа што вашата врска е најромантична приказна самата по себе.
Далечината: Ништо не може да ве раздели, освен ако вие не го дозволите тоа
Сите знаат дека врските на далечина се тешки. Која е поентата на врската ако секоја ноќ си легнувате сами и секое утро се будите сами? Но, кога врската е цврста и здрава, не и дозволувате на далечината да стане пречка. Едноставно работите на тоа.
И покрај километрите помеѓу вас, вие создавате блискост и ја бришете далечината. Наоѓате начини да бидете блиску. И кога се гледате, се е толку магично и прекрасно.
