За здрав ум, многу е важно човек да одвои време за себе. Иако во денешно време е тешко човек да одвои време за себе, овие навики можат да ви помогнат да се чувствувате посреќно и поодморено.
Во ова стресно и брзо модерно време, важно е човек да си го пронајде сопствениот мир. Иако се чини невозможно, сепак има трикови кои можат да ви помогнат во тоа.
Овие 5 навики ги негуваат луѓето кои секогаш имаат време за себе.
Се будат порано
Колку и да ви се чини тоа тешко, особено со оглед на тоа дека секако мораме да се будиме премногу рано, обидете да се будите барем половина час порано отколку што треба да се разбудите. Ова време може да го искористите само за себе и својот мир и тишина. Дури и ако само седите и пиете кафе, не мислејќи на ништо, ова е одличен начин да го испразните мозокот и да уживате во моментите на мир и тишина.
Поставуваат граници на работа
Луѓето кои успеваат да ги завршат сите обврски, ја затвораат вратата од канцеларијата или ставаат слушалки ако работат во канцеларија полна со луѓе. Така можат целосно да ѝ се посветат на работата и обврските. Иако денес сите зборат за „мултитаскинг“, тоа не функционира баш онака како што сакаме ние. Ако правиме повеќе работи одеднаш, тоа значи дека сѐ ќе биде направено површно, а ќе потрошиме повеќе време отколку ако сме ги правеле една по една.
Користете ја паузата за ручек надвор од зградата во која работите
Иако мислиме дека ручекот пред компјутер ќе нѐ направи попродуктивни, тоа е многу погрешен пристап. Оваа пауза е идеална можност да одвоите време за себе и да одморите. Тоа е многу важно и поради тоа што во вакви моменти целосно ќе се фокусирате на она што го јадете, па така ќе изедете многу помалку, ќе јадете поздраво и подолго ќе бидете најадени.
Се исклучуваат од секојдневната рутина и се занимаваат со своите хобија
Без оглед на тоа дали можете да одвоите 15 минути дневно или повеќе, важно е да одвоите време за своите интереси, затоа што тогаш целосно се исклучувате и се посветувате на ова што ве радува. Може да се исклучите и со вежбање, цртање, читање...само не го користете тоа време за да седите на социјални мрежи, затоа што тоа нема да ве одмори.
Прават договори и планови сами со себе
Да се договори нешто сам со себе е тешко, но и лесно. Иако е лесно да одлучите кој дел од денот ќе го посветите на себе, сепак е тешко да одлучите целосно да го посветите тоа време на себеси. Планирајте малку по малку, на пример прошетка од 15 минути. Ветувајте си и дека нема да ги прекршувате плановите направени со себе!
