Сите ги знаеме тие луѓе, сите ги гледаме, поминуваат покрај нас, со леснотија разговараат со непознати луѓе... Но, кои се тие луѓе? Што е она што ги прави толку привлечни? Причината е едноставна. Тие луѓе имаат срце. Тие имаат душа. Она што го прави толку привлечни е нивната автентичност, топлина и свесност: тие се олицетворение на сѐ она што го прави животот убав. Не е тешко да се биде привлечен за другите луѓе. Всушност и вие веќе сте! Само треба да се ослободите од некои слоеви за да можат сите да го видат вашиот сјај.
Прочитајте неколку едноставни чекори за постигнување неодолив живот!
Бидете автентични
Често се вели дека доверливоста е најатрактивниот квалитет кој човек може да го поседува. Автентичноста е квалитет кој нѐ прави најпривлечни. Заборавете на егоистите и нарцисоидните личности, човекот кој живее автентичен живот е насочен, сигурен во себе и полн со самодоверба. Кога зборува, зборува со уверување. Автентичните личности зрачат со некаква цел и смисла – затоа и се неодоливи!
Прифаќајте
Со практикувањето на прифаќањето, прифаќање на својата личност, живот и другите луѓе – можете да станете пофокусирани, помирни и посуптилни. Дали некогаш сте се дружеле со некој кој прифаќа промени, грешки или вознемирувачки ситуации со неверојатна леснотија и мирен ум? Дали во деновите исполнети со стрес чувствувате олеснување дружејќи се со таква личност? Во светот во кој живееме, овие луѓе се како лек. Како да станете таква личност? Обрнувањето внимание на сегашниот момент ќе ви помогне да постигнете мир, а тоа е секогаш привлечно за другите.
Бидете благодарни
Дали сте забележале дека луѓето со кои сакате да се дружите секогаш се благодарни за тоа што го имаат? Никој не сака луѓе кои постојано се жалат, луѓе кои секогаш имаат попис со проблеми за кои цело време зборуваат. Кога живеете во духот на благодарноста, вие го тренирате умот секогаш да ги бара позитивните работи. Како резултат на тоа, вашето целокупно однесување станува поведро и вашата позитивна енергија ќе почне да привлекува уште повеќе позитивност.
Ширете љубов
Сакајте се себеси, сакајте го својот живот, луѓето во него – пријателите, непознатите. Само сакајте. Кога човек сака без страв, кога е во можност да ја даде својата љубов, храбро и великодушно, тогаш навистина е неодолив. Тоа е заразно и не можете да си помогнете, тогаш и вие почнувате да блескате покрај нив. Зошто да не се заљубите во животот и сѐ она што влегува во него? Луѓето нема да можат да ги тргнат очите од вас!
Развивајте се
Запомнете, личниот развој е животен процес. Секогаш можете да работите на себеси. Зголемувајте ја вашата благодарност, самодоверба и позитивен поглед на животот и на тој начин ќе ги привлечете луѓето. Многу важен дел од личниот развој е никогаш да не престанете да учите. Секогаш пробувајте нови работи и развивајте нови вештини. Тоа значи исполнет живот.
