Вчера, на магистралниот пат Охрид – Кичево, на околу 1000 метри пред планински превој Пресека, возач на моторцикл изгубил контрола врз моторциклот и паднал на патот.
Од МВР информираат дека станува збор за триесет и седумгодишниот С.А. од Тетово кој го управувал моторциклот со марка „јамаха“, со тетовски регистарски ознаки.
Според досегашните информации добиени од МВР, возачот С.А. бил пренесен во Специјалната болница „Св.Еразмо“ – Охрид, каде му биле констатирани тешки телесни повреди.
На местото на несреќата бил извршен увид од екипа од Полициската станица Охрид.
