Триесетгодишна скопјанка е лишена од слобода откако полицијата утврдила дека управувала автомобил без да се стекне со право за управување со моторно возило.
Инцидентот се случил ноќеска околу 01:00 часот на улицата „Горноврановска“ во Скопје, каде полициски службеници од СВР Скопје спроведувале сообраќајна контрола.
При контролата било запрено патничко возило „ауди“ со скопски регистарски ознаки, управувано од 30-годишната Е.Т. од Скопје. Полицајците констатирале дека таа управувала со возилото иако претходно не се стекнала со право за управување.
За случајот бил известен јавен обвинител, а возилото било одземено. По целосното документирање на настанот, од полицијата најавуваат дека ќе следува соодветна пријава.
