Деветгодишно девојче се здобило со тешки телесни повреди откако било удрено од автомобил на регионалниот пат Куманово–Скопје.
Како што информира Министерството за внатрешни работи, несреќата се случила вчера околу 15:53 часот. Патничко возило „фолксваген голф“ со кумановски регистарски ознаки, управувано од Б.А. (20) од Куманово, удрило во девојчето, кое исто така е од Куманово.
Во несреќата детето се здобило со тешки телесни повреди, кои биле констатирани во Општата болница во Куманово.
За настанот е известен јавен обвинител, а увид на местото извршила увидна екипа од СВР Куманово.
