Најголем дел од луѓето го сакаат летото. Деновите се долги и светли. Без оглед на тоа во кој дел од светот се наоѓаме, се чини како летото да е годишното време на среќата.
Зошто?
Сончевата светлина ја лечи депресијата
Кратките темни денови и студот придонесуваат за нервоза, стрес и поголема депресија во текот на зимата. Таквите состојби се за пати почести кај жените. Од друга страна пак, сонцето во текот на летото придонесува нашето тело да лачи серотонин- хормонот на среќата. Не само тоа, самото будење со сончевите зраци придонесува за подобро расположение.
Јадеме повеќе овошје и зеленчук
Многу значаен фактор се здравите состојки. Често истакнуваме како храната влијае на нашето расположение,а храната која ја конзумираме во текот на летото е дока за тоа. Овошјето и зеленчукот се богати со витамини и минерали кои го подобруваат имунолошкиот систем, работата на мозокот, но и расположението.
Подобро спиеме
Освен топлите, многу жешки денови кои не мачат, во текот на летото нашето тело лачи повеќе мелатонин што ни овозможува подобар сон во текот на летото.
Витамин Д-витаминот на сонцето
Добриот витамин Д, витаминот на сонцето се синтетизира кога сме надвор на сонце. Тој е особено важен бидејќи е одговорен за подобрено расположение и појасен ум. Витаминот Д и е потребен на секоја клетка од нашето тело, а летото е одличен период да добиете повеќе витамин Д.
Минуваме повеќе време во природа
Не постои сомнеж дека минувањето време во природа е одлично за лечење на уимот и телото. За време на зимските месеци, минувавме многу време во затворени простории и тоа придонесува да бидеме повеќе под стрес. Но, времето минато надвор и во природа придонесува за ослободување од лошите мисли и намалено лачење кортизол.