Се прашувате зошто сите толку ги сакаат патувањата? Според истражувањето кое е спроведувано во текот на изминатите 20 години, луѓето кои оделе на патување ретко се соочувале со поголем ризик од срцеви заболувања, за разлика од оние кои патувале почесто, односно барем два пати во текот на годината. Според ова истражување, само планирањето на патувањето предизвикува стреќа.

Зошто патувањето е толку важно за нашата благосостојба?

Ни дава време за себе

Да, можеме да најдеме време за себе и кога не патуваме, но според едно истражување 89% од испитаниците истакнале дека кога се надвор од дома, имаат можност вистински да се одморат од се.

Ни помага да избегаме од рутината

Нема подобар начин да се избега од секојдневието и рутините и навиките во него, отколку со патувањата. “Бегството“ од домот, навиките и обврските ни дава можност да се одмориме. Се чувствуваме како различна личност, на различните места кои ги посетуваме.

Ни дава простор за да размислиме

Модерното живеење е полно со многу работи кои ни ги обземаат мислите и не ни дозволуваат да седнеме и убаво да размислиме. Но, во нова и посмирена околина имаме повеќе можност да размислиме за себе и својот живот, но и така да откриеме нови нешта за себе. Според психолозите, патувањата ни даваат простор да ги видиме нештата објективно.

Нашиот ум се менува

Новите нешта ни помагаат да го смениме нашиот ум, давајќи ни повеќе фокус и концентрација, но и можност да учиме. Среќавањето пак нови луѓе и култури ни дава можност да ги погледнеме работите од различна перспектива и да стане поотворени личности.