Дали некогаш сте искусиле како е да се биде во вистинска врска? Кога ќе дојдете на одредена возраст и се уште не сте имале вистинска врска, тоа лесно може да ве наведе да се откажете од љубовта.
Вложивте толку труд и време во пронаоѓање на вистинската личност што тоа почна да личи како работа со полно работно време, но повторно се прашувате зошто се уште не сте ја нашле љубовта на вашиот живот?
Доколку сте се откажале или размислувате за тоа, правите голема грешка. Еве зошто не треба да губите надеж и верба во љубовта:
Не постои вистинско и погрешно време за љубов
Не постои одредено време за љубов. Сите во животот се движат во различни правци. Не го споредувајте вашиот успех со туѓиот. Воопшто не е важно дали имате 20 или 30 години и се уште не сте пронашле љубов. Тоа не е нешто од коешто треба да се срамите.
Само затоа што се уште не сте се заљубиле, не значи дека никогаш нема да се заљубите. Иако звучи како клише, сепак факт е дека љубовта може во секој момент да влезе во вашиот живот. Не постои вистинско и погрешно време за љубов. Тоа едноставно се случува. И на вам останува да одлучите што ќе биде следниот чекор.
Љубовта доаѓа во различни форми
Романтичната љубов не треба да биде единствениот вид на љубов за кој копнеете. Доколку себеси се имате ограничено на само еден вид љубов, не е ни чудо што се чувствувате разочарано.
Сите видови љубов можат да ве исполнат. Пријателската, семејната, па дури и љубовта кон вашите домашни миленичиња може да биде корисна како и љубовта која би ја добивале од партнерот.
Заборавете на минатото
Лошите искуства не би требало да ве обесхрабрат да продолжите да барате љубов.
Веројатно мислите дека и порано сте нашле љубов, но тоа не функционирало и сега сте загрижени дека никогаш нема да најдете некој кој може да се мери со таа љубов. Но, тоа едноставно било само имитација на љубов.
Морате тоа да го оставите зад себе и да се сосредоточите на иднината. Кога ќе престанете негативно да се поставувате кон љубовта, ќе бидете во можност да се отворите за некои нови, подобри можности.
Нема причина за брзање
Ако сакате да паузирате со излегувањата и социјализацијата, тогаш не треба да чувствувате вина за тоа. Тоа не е знак дека сте се откажале, туку дека ви е потребно малку време да се одморите и да размислите за она што навистина го сакате.
Кога не сте среќни и не уживате во врската, тоа е знакк дека треба да се вратите еден чекор назад и да се фокусирате на други аспекти од животот. Таа пауза не мора да биде предолга, одвојте онолку време колку што мислите дека ви е потребно за да разберете некои работи. Најважно од се е да останете позитивни.
Вреди да се ризикува
Зошто да размислувате за откажување од нешто што може да ви донесе корист во животот на многу начини? Секако, не мора да бидете во врска за да искусите среќа и сигурност, но тоа може да ви донесе и многу повеќе од тоа.
Преземањето ризик со некој може да делува застрашувачки доколку постојано се прашувате дали врската ќе потрае. Но, верувајте дека е вредно да се ризикува, затоа што никогаш не знаете кога ќе доживеете чувства и убавина за кои не сте ни знаеле дека постојат.
Способни сте да пронајдете љубов и ако доволно вложите труд и трпение, љубовта ќе се појави кога најмалку очекувате.
