Архиепископот охридски и македонски г.г. Стефан утрово по повод празникот Собор на свети Јован Крстител богослужеше Златоустова литургија во црквата „Св. Јован Крстител“ во Ново Лисиче.
Голем број верници беа присутни на литургијата, да се помолат за среќа, мир и благосостојба за себе и за своите најблиски.
Црквата уште во првите векови утврдила свети Јован да се прославува веднаш по празникот Богојавление. Овој ден се вика уште и Женски Водици затоа што главен збор во изведувањето на обичаите имаат жените. Именден денеска имаат Јовановци.
Свети Јован Претеча и Крстител се прославува неколку пати во текот на годината, а неговиот собор т. е. главниот празник е на денешен ден.
