Зимската служба на Град Скопје е подготвена за врнежите од снег

Зимската служба на Град Скопје е подготвена за одржување на градските улици и булевари по најавите за врнежи од снег и ниски температури во наредниве денови, со цел да се обезбеди непречено и безбедно одвивање на сообраќајот на градските сообраќајници во зимски услови.

Нашето подрачје потпадна под влијание на нов студен и влажен бран, кој ќе услови врнежи претежно од снег, а во југоисточните делови од дожд и снег. На повеќе места врнежите ќе бидат обилни, во југоисточните делови ќе бидат претежно од дожд (над 40л/м2), а во останатите од снег и ќе се формира нова позначителна снежна покривка.

Денеска дневните температури ќе бидат пониски од прретходните денови: Скопје и Маврово 1, Охрид, Битола, Берово и Кавадарци 2, во Крива Паланка 3 и Дојран 5 Целзиусови степени.

За утре временската прогноза е облачно време со умерени до обилни врнежи претежно од снег, а во југоисточните делови од дожд и снег. Ќе дува умерен до засилен северен ветер.

Дневните температури ќе бидат во Скопје, Охрид и Битола 2 степени, Маврово 0, Кавадарци 4, Крива Паланка 3, Берово 1 и Дојран 4 степени.