Оние кои започнаа врска во средношколските денови знаат дека таквата врска поминала низ рај и пекол и за двете страни. Но, постојат причини зошто овие врски се најдобрите.
Врската започна во најчудниот период
Овие врски започнуваат во време на развој на личноста, протези, чуден начин на облекување и бунтовништво. Доколку си се допаѓавте еден со друг тогаш, тогаш ќе бидете заедно цел живот.
Поминавте низ многу работи заедно
Растевте, се развивавте и дипломиравте. Учевте за себе многу, но паралелно на тоа и еден за друг. Денес, можете да се восхитувате на тоа каде стигнавте досега.
Се разбирате одлично, така што не се потребни зборови
Се знаете веќе долго време и имате искусено многу нешта заедно, додека растевте и созревавте. Така, ако едниот од вас минува низ нешто, другиот веќе знае за што станува збор.
Имавте порази и победи, но убавите нешта ве држат заедно
Секоја врска има свои победи и порази, но кога постои љубов и разбирање, многу нешта можат да бидат надминати. Секогаш кога ќе дојдат тешки времиња во врската, вие знаете дека можете да ги пребродите.
Имате милион заеднички убави спомени
Ги паметите сите мали и убави нешта кои се дел од вашата врска – фотографии од матурската и дипломирањето, заеднички одмори и многу други убави спомени.
Свесни сте дека луѓето се менуваат во врските
Ја започнавте врската како тинејџери кога бевте различни луѓе од тоа што сте денес. Тоа ве научи дека луѓето созреваат, иако не на истиот начин и во исто време. Станавте личности со повеќе разбирање еден за друг, но и со потреба постојано да се менувате во животот.
Поминавте низ најтешките фази и расправии
Поминавте низ најтешките моменти кои не верувавте дека некогаш ќе ги пребродите. Станавте посилни личности и сфативте дека врските не се секогаш составени од слатки моменти.
