Скопските улици денеска се прскаа со калиум, магнезиум ацетат кој треба да го намали загадувањето во градот посебно во зимските месеци.
Станува збор за средство што се користи за контрола и намалување на ситната прашина (ПМ10 и ПМ2,5-честичките) и за стабилизација на патиштата.
Средството е еколошки производ, биоразградлив, не е штетен за растенијата (погоден е за апликација во близина на паркови и зелени површини), а најважно е што не е корозивен (нема да предизвика оштетување на возилата). Производот е лесен за апликација и целосно е стабилен, што значи може да се чува подолг период.
При неговото аплицирање како резултат на неговиот состав може да се почувствува слаб мирис на оцет, кој, исто така, не е опасен за здравјето на луѓето.
Важно е да се нагласи дека брзината на улиците каде што ќе се аплицира средството калциум, магнезиум ацетат ќе биде ограничена на 40 километри/час, поради можна појава на лизгање на коловозот.
Возачите реагираат дека аплицирање на средствата на улиците сериозно ја нарушува стабилноста на возилата при што може да дојде до нарушување на безбедноста и излизгување. Надлежните апелираат за внимателно возење.