Ветувам дека ќе те сакам:
Во 06:00 наутро кога се будиш и кога со затворени очи, поспана го исклучуваш алармот на твојот телефон. Ќе те сакам и во ноќите кога нема да спиеш добро и кога ќе го дочекаш утрото, ненаспана. Ветувам дека ќе те сакам кога твојата коса е бушава, а твоите очи изморени од неспиење или затворени од премногу спиење.
Во 08:00 наутро кога ќе истрчаш низ вратата по нашето утринско кафе. Кога ќе си кажеме “до видување“ знаејќи дека ќе си испратиме стотици пораки во текот на денот.
На пладне, кога ќе те фати првата дремка, кога ќе го пиеш второто кафе или чај и зборуваш со колегите за работи кои воопшто не те интересираат. Тогаш кога сакаш да си со мене и посакуваш што побрзо да заврши твојот ден.
Во 17:00 попладне, кога си изморена и изморена од луѓето и светот. Кога се чувствуваш како да ќе заплачеш од сѐ. Кога само сакаш обична дремка кога ќе заспиеш и ќе заборавиш на светот и туѓите проблеми кои ги собираш во себе, сакајќи да им помогнеш. Кога ќе ти кажам колку си силна и неверојатна личност.
Ќе те сакам во 23:00 кога нашите стопала се исплеткани и кога не постои ништо освен мене и тебе. Тогаш ќе ти ветам дека ќе те сакам секогаш. Целиот живот, затоа што си најпрекрасната личност која ја имам запознаено.
Ќе те сакам во секој дел од денот и кога ќе остариш, во секое твое издание. Низ секоја твоја насмевка и секоја бура.
